في قلب الليل
و عزف الصمت متهادي
كموج النيل
في قلب الليل
وبرد الخوف بيتكتك سنان الخيل
وما في حد في الشارع
سوى مهر اتربط جازع
فى شجرة صنت
وأنا…والصمت
وبرد الليل
وخوف الليل
وصهل المهر لم أفهم
أخوف مني أم إتعاجب
سألت المهر لم يفهم
كلام مني و لا جاوب
وكان في عينيه
بريق مني
كأنه كان بيسألني
وقفت أنظر له ينظرلي
وأنظر له و ينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل
وكان في جيده قيد جارحه
وقيد في جيدي ما لمحه
لكن حسه
أكيد حسه
وفجأة لقيناأحلامنا
وصهل الفجر في عيوننا
مسكت قيوده فكيتها
صهل بمعاني…حسيتها
وصار يجري
و ينساني
و صار يجري و ينساني
وأنا بجري
في طريق تاني
في برد الليل
وخوف الليل
وحزن الليل
وبعد كتير..في ليل تاني
لقيته لوحده من تاني
في جيده يقيده قيد تاني
صهل تاني
ماردتشي!
وباقي لوحدي انا بامشي
في برد الليل
و خوف الليل و حزن الليل
محاولة للخروج من نوبة قلق (صامت) ..اللى هو أنا معرفش ومش حاسة أنى قلقانة ..لكن جسمى قرر التبرع بأستقبال نوبة القلق تلك بدلا منى فى هيئة صداع ودوخة وهمدان مزعج ..
محاولتى فى الأساس كانت الكتابة عنه ..لكن عقلى شار عليا بعدم اتخاذ تلك الخطوة لأنها ببساطة هتزيد القلق ..اللى هو أنا أصلا مش معترفة بوجوده
يمكن عنده حق
2 comments:
انا مافيش خليه مني مش متبرعه شاكره بأنها تعبر عن خوفها من الامتحانات وده شيء مرهق تماما ذهنيا ويارب يعدي الايام اللي زي الفل دي على خير تمنياتي بالتوفيق
ربنا يوفقك و يبعد عنك القلق
على العموم هي حالة منتابة الجميع حتى اللى مش بيمتحنوا ..زو انا واحدة منهم
صداع و همدان و عدم اتزان و زهق من حاجات كتير ...لكن أكيد في أمل
و الأمل هو انك تشدي حيلك اوي في المذاكرة و ربنا يوفقك
تحياتى
Post a Comment