أن قلت..متخافشى
وأن خفت ..ما تقلشى
أنا فى انهى جملة من السطرين اللى فاتوا؟
مش عارفة هفضل راكبة المرجيحة دى لحد أمتى ..بصراحة صدعت والرؤية (المتأرجحة) مش ممتعة كما تبدو
لو بصيت لتحت هدوخ وهعرف أن الارض مش ثابتة.. وهخاف
ولما ببص لفوق بلاقي الدنيا واسعة وبحس لو مديت أيدى هرسم على وش السحاب ..وهقول
مرة فكرت ان عندى لسان واحد و عين يمين وعين شمال وايد يمين وايد شمال
لو حذفنا الايد الشمال لأنى بكتب باليمين بس
هتطلع النسبة متساوية 2:2
أستقبال وأرسال
برضه لسة معرفتش
البوح ولا اللابوح؟
السكوت ولا الكلام !
7 comments:
انا متاكدة ان البوح احسن مهما كانت نتيجته.. اصله في كل الاحوال بينزلك من على المرجيحة ويوقفك على الارض .. مش مهم بقى واقفة على الارض برجلين ثابتة ولا واخدة ضربة على دماغك ورجليكي مش شيلاكي.. مش مهم.. المهم ان المرجيحة تقف
هايلة يا جميلة
انا كنت حاسة ان أكيد دا هيكون رأيك يا هبة
بس دا محتاج درجة شجاعة.. يعنى فى ناس بتخاف من وجع الدماغ
وفى ناس بتخاف من رأى الناس
وفى ناس بتخاف أحسن بعد شوية تكتشف انها كانت غلط فى أفكارها وفى اللى قالته وتندم عليه
أنا بكون أحيانا من النوع الأخير
وأحيانا لأ .. هشوف كدا هنرسى على انهى ناحية
ببساطة يا ولاء .... لا يملك من يستطيع أن يتكلم أن يصمت !!!
اختيار غبي وصعب !!
صحيح !
بس يبدو إن اللي ما يتكلم ... يا كثر همه !!!
بالمناسبة ، كنت جربت فكرة إني اكتب بصمت قبل كده ف بوست عندي ... ابقي شوفيه
خالص تحياااااااتي يا فندم :)
صباح الفل
ممكن ادخل
شكراً
أنا شايف ان مفيش طريقة واحدة ثابته للحياة ومواجهة المواقف
المهم عندى ازاى اكون راضى عن نفسى والرضا ده احيانا بيتحقق من البوح وأحيانا من السكوت
اسكتى وقت ما تحبى واتكلمى وقت ما تحبى المهم تكونى راضية عن اللى بتعملية
ولا يمكن أن نستبعد الناس من حياتنا ده يبقى كلام مش واقعى لكن اللى ممكن اننا نديهم حجمهم فى حياتنا
المهم تكونى راضية
ابراهيم
كنت شفت كتابتك الصامتة وعجبتنى الفكرة .. احتمال تلاقينى يوم بجربها
البنا
متعرفش أنا كنت مبسوطة أد ايه لما قريت ردك دا ... فعلا مفيش حالة او طريقة واحدة ثابتة
أنا مقتنعة بالكلام دا جدا وكنت محتاجة حد يفكرنى بيه
والناس لازم يكونوا فى حجمهم الحقيقى عندنا فعلا
بجد شكرا
لو بصيت لتحت هدوخ وهعرف أن الارض مش ثابتة.. وهخاف
ولما ببص لفوق بلاقي الدنيا واسعة وبحس لو مديت أيدى هرسم على وش السحاب ..وهقول
نظرة رااااااااائعة
تحفة عنوان البوست
تحياتي
Post a Comment