بدون كلام

enjoy watching it

sand arts

drawing with sands

go over the moon ;)

على مقعد من بكاء

البوست الأخير - اللى قبل دا - نحس شويتين

مش بس عشان كتبت بعديه كذا بوست ومسحتهم - أما لأسباب فنية او فكرية - لأ كمان فى ظل عهده سمعت خبر سىء جدا النهاردة

هو مش سىء بذاته, لكن سىء بالنسبة ليا .. يمكن لو كان حصل مع ناس تانية فى توقيت تانى كان يبقى من أكثر الاحداث ابهاجا

لكن اللى حصل انه فعلا حسسنى بضلمة و ألم

والاعتراف دا لو تعلمون خطير .. لما يجى من واحدة هى أخر حد ممكن يتكلم عن مشاعره السلبية وبيعتبر الحزن دا شىء خاص جدا مينفعش وميصحش تنقله للناس

يلا خير

يمكن يكون خير

أو أصحى الصبح الاقى انه مجرد هزار تقيل شوية

أو ينتهى

يارب ينتهى

ساعات بسكت = ساعات بقول

أن قلت..متخافشى

وأن خفت ..ما تقلشى

أنا فى انهى جملة من السطرين اللى فاتوا؟

مش عارفة هفضل راكبة المرجيحة دى لحد أمتى ..بصراحة صدعت والرؤية (المتأرجحة) مش ممتعة كما تبدو

لو بصيت لتحت هدوخ وهعرف أن الارض مش ثابتة.. وهخاف

ولما ببص لفوق بلاقي الدنيا واسعة وبحس لو مديت أيدى هرسم على وش السحاب ..وهقول

مرة فكرت ان عندى لسان واحد و عين يمين وعين شمال وايد يمين وايد شمال

لو حذفنا الايد الشمال لأنى بكتب باليمين بس

هتطلع النسبة متساوية 2:2

أستقبال وأرسال

برضه لسة معرفتش

البوح ولا اللابوح؟

السكوت ولا الكلام !

LOL

عندى فستان بكلفة ..وجزمة حمرا تحفة ..

يروح كله ويخفى

وتجينى الشكلاتة

..يا بلاش يا ولا

لم تكن

أضاف الى ملامحه الصارمة نظرة استنكار محدودة عندما أخبرته الممرضة أن الطبيب سيصل متأخرا اليوم وأنها تستطيع تحديد ميعاد آخر له أن كان لا يمكنه الأنتظار , أجابها بنبرته الجافة انه سينتظر , ثم سار بنفس خطواته الجادة ناحية كراسى الأنتظار , أنتظار؟ لا يدرك هؤلاء الحمقى انه لا يمتلك الكثير من الوقت ليضيعه فى فعل اللاشى سوى المكوث والتحديق فى السيراميك فى أنتظار فحص عيون دورى عديم القيمة ؟

نسق بعض الأمور الخاصة بعمله , نظم باقى مواعيده وأعد بعض الخطط المبدئية .. نجح ذلك بشكل جزئى فى تحريك عقارب الساعة .
.. لم يفلح فى ترويض صريخ الهواء العاصف فى خواء صدره .

عبث بأزرار هاتفه , فتح ملف صورتها .. خبأ نظرة الحنين داخل صرامة ملامحه , أخرس وجدانه .. بعد كل هذا الوقت لم يتقن الأمر بعد ؟..يلزمه بعض التمرين , نظر بتمعن أكثر .. أدار شريط ذاكرته لوجهه الآخر – هى أيضا لم تكن ترى للأنتظار قيمة – لزمه بعض التركيز والمقاومة .......... تبدو الآن قبيحة و سخيفة كفاية

أغلق هاتفه , غادر العيادة ..لم يحدد معادا آخر .. ليس للأمر رؤية آخرى

مرور سريع.. بلا أثر

عمر الوشوش ما بتبقى بعد السنين نفس الوشوش
...دى بتبقى شىء تانى

تحاول أن تمحى البعض من أيامك
ثق فى النسيان .. فقط ساعده أن يسرع ..
أن يلتمس لك الحد الأدنى من الأيام فى سجن الذكرى .. أو الوهم

أن يحتل البعض أكبر من أحجامهم
هو خطأ تقدير لا أكثر يمكن تجاوزه !

لا تنتظر تغير الوشوش أو غيابها
فقط بدل عيونك .. و سيفقد مرورها تأثيره

يا ترى اللى بيعيش الزمن أحنا
..ولا الزمن هو اللى بيعشنا؟

أغنية للحجار