Tuesday, June 10, 2008

كسر حواجز بس

غريبة
غريبة ومش غريبة
انى اكون ويا الحبيبة... دنيا مبتسمة ورحيبة
وفجأة اكون زى القلوع ...ساعة الغروب مروحين
بلا شطوط ولا حنين, وانطفى فى الحال... من غير سؤال
غريبة ومش غريبة
انى اكون فى لحظة مخيفة خبر كان وسط الصحيفة
وفجأة اكون زى السطور المليانين... بحاجات كتيرة منورين
وانطفى فى الحال ...من غير سؤال
غريبة ومش غريبة
انى اكون فى خطوة بريئة لما ادور على الحقيقة
وفجأة اكون زى الجنون جوة العيون ملهش كون ملهش لون
وانطفى فى الحال من غير سؤال